Qaraar- A Fight of Justice and Injustice

By -

Log aisi baatein keh jaate hain k insaan sochta reh jaata hai, wo soch bhi nahi sakta k kia ho gya, us k sochne ki silahiyat mauf ho jaati hai.Wo chahne ke bawojood kuch kar nahi sakta aise jaise jakar diya gya ho, us k khialaat ka darya tou behta hai per jism tou jaise pathar ka ho jata hai. Wo kare bhi tou kia badan k zakham tou theek ho sakte hain rooh ki takleef ka kia kre…kia kre wo akhir, us k bas mein hai hi kia, aik insaan hi tou hai.

Par wo bhi to insaan hai na jo zakham pohanchata hai, jo rooh ko chalni kar deta hai, k sadiyon bhi zakham na bhare…kia wo insaan hai???Log tou kehte hain HAI…aap ka kia khayal hai???in rooh chalni krne walon ko insaan kehna jaez hai kia… Badan tou matti hai,matti hi mein milna hai, rooh ka kia krein wo kahan fana ho,kaise dawa kre,us ke aanso kaun ponche….ankh k aanso tou paani hai khusk ho gae ga,rooh k aanson ka kia krein…laho behta hai , zameen choos leti hai,haryali paida krti hai…rooh tou ehsasaat,jazbaat bahati hai un se kaisi haryali..bas chand yaadein hi tou reh jaati hain. Aur ye yaadein bhi tou zakham hai,aisa zakham jo baqi zakhmon ko bharne hi nahi deta. Nasalein tabah ho jaati hain,dunya badal jaati hai magar wahein jashan bhi hota hai. Rang..nasal k farq se chand log bach jaate hain,laakhon mare jaate hain…un ka kia kasoor??? Aik taraf koi apni jaan bachane k liye sab kuch krne per tyar..koi sunta hi nahi…doosri taraf inhein zaalimon ko amaan ..kyun??? Aisa kyun hota hai???koi kisi ki zindagi k liye jaan de deta hai tou koi sirf hawas mein kisi ki jaan le leta hai kyun……………waise jaan lene wala na ho tou de kaun? bewafa na ho tou wafa kia? nafrat na ho tou mohabbat kia? gham na ho tou khushi k kia maeni? dushman na ho tou dost kaun? ameer na ho tou ghareeb kaun? tangi na ho tou khushhaali bemaqsad..badmash na ho tou sharif kaun? lutere na hon tou kotwal kaun? kaun hain ye sab..kyun hain……..Dunya mein sirf khushi kyun nhi…sirf rang kyu nhi…sirf aman kyun nhi…KYUN??? Aisa kyun hai k aik insaan doosre ki taqdeer ka malik bana betha hai aur malik-e-taqdeer ko bhulae betha hai….aisa kyun hai k apni janat banae betha hai aur US ki janat ki prwah hi nhi…Khud kyun khuda bna betha hai aur us khuda ko bhulae betha hai…AMAARAAT ki amarat khari kr ke sikander bana betha hai…sikander bhi tou khaali haath hi gya,safed kpre mein lipta howa,aasman ko tkti aankhein,sawal poochte lab,daghdar jism..kahin neze tou kahin berche..kahin tlwar hai tou kahin teer..magar wo sab tou matti mein mil gya..rooh kahan gae..kaun jaane kitne zakham the..kahan kahan bhatki sakon mila bhi ya nhi..tou ye chand sone k sikon k malik kis baat per gharoor kiye bethe hain..jb satar aunton pr ladi chabiyon k khazane ka malik zameen mein zinda dafan ho skta hai tou inhein akhir kis baat pr naaz hai….jo kehta tha k chand sooraj bhi us k ghulam hain wo samunder ki gehraiyon mein doob kr eibrat bna tou in kaghaz k noton ki haisiyat hi kia hai!!!

Itna gharoor kiye bethe hain k zalim hain…….badan k zakham tou maaf kiye per rooh……………ah kaun dawa kre kaun? Aik khuda hi tou hai jis se umeedein wabasta hain..aik wahi tou hai jis pe aitbaar hai…aik usi se tou dawa ki tawaqo hai..aik wahi tou dawa kr skta hai.. Aik wahi hi tou hai jo in zaalimon per haath tang kr sakta hai.. ghareeb ko ameer nafrat ko mohabbat bewafa ko wafa gham ko khushi dushman ko dost mein badal skta hai Tou inhein kaun samjhae kaun haqiqat ka chehra dikhae k munsif tou wahi hai….in zakhmon ka badla tou wahi dilae ga…ankh ko ankh aur haath ko haath tou tyar rehna k insaaf ho ga…qaraar aae ga…zaroor ae ga!!!

Nida Zubair

Currently studying in AMC, 33rd MBBS batch. Interested in blogging and expression by writings so here i am representing AMC and presenting forward some of my own articles and poems...happy reading!!! :)

Leave a Reply

Your email address will not be published. Required fields are marked *